American Standard 馬桶沖水力實測 - American Standard 馬桶

馬桶

American Standard 馬桶採用獨有的Double Vortex沖水技術,比起一般直沖或虹吸式系統更省水,同時具有更強沖力,配合高品質陶瓷物料,減少水垢積聚更便於清潔。

其實,一個馬桶嘅靈魂並唔單單只在於佢嘅外觀,同做人一樣,望唔到嘅內涵都好緊要架!只有瞭解清楚先可以買得安心,去得放心,以下裝修佬同大家分享以上幾種水流模式嘅分別,一齊去文!

馬桶

座廁水流模式

1.Wash down (直沖式)

直沖式座廁係香港最常見嘅款式,係利用水嘅沖力直接將排洩物沖走。簡單講同無廁所水時,大家直接倒兜水沖廁既原理差不多。

裡面排污管形狀有點似「P」字型,彎曲度細而排污口徑大,所以淤塞嘅機率會相對細。 雖然直沖式沖起水來比較嘈,且會有水花濺起,但好處係設計上比較細隻,佔用空間會比較少。用水量一般只要6L左右,屬於比較省水。

好處:

● 外型較細,佔用空間少

● 排污管成「P」型,彎曲度細但排污口徑大,淤塞機率相對細

● 相對省水

缺點:

● 起水較大聲

● 水花會大量濺起

馬桶

2.Siphonic (虹吸式)

虹吸式座廁係大陸同台灣成日見。特點係比較長同多數地去水,因為裡面嘅排污管係「S」型,彎曲位多,所以馬桶體積相對較大。

虹吸式馬桶係沖水時會先積少少水,填滿大部分馬桶內嘅排污管,做成壓力差而產生虹吸現象,吸走排洩物。所以耗水量較大,用到成7.5~9L。

好處:

● 沖水時相對寧靜

● 以吸力帶走污物相對潔淨

缺點:

● 外型較大

● 排污管較長,較易堵塞

● 用水量相對大

馬桶

3.Double Vortex (雙旋渦式)

Double Vortex 係新式既沖水技術, 特點係利用兩個側面出水嘴取代以往小孔出水,集中水力凝成漩渦水流去沖走排洩物。雖然用水量少,大約只要4L但都有好強既沖水力!

由於水流以旋轉模式覆蓋更多馬桶兜面積,可以將排洩物沖走之餘同時洗返乾淨個兜。無左小孔都易左清潔,減少水垢積聚。

坐廁日常使用會有污垢及深色污漬附著係陶瓷表面,相信好多朋友都深有體會。唔講唔知, 其實陶瓷表面都係其中一個沖得乾唔乾淨嘅關鍵元素。

馬桶

好既沖水技術加上好既陶瓷物料,沖得乾淨之餘又慳水,仲可以抑制水漬積聚,令日常清潔變得更輕鬆,下一次我地詳細再講。

其他常見問題

問: 馬桶點解唔識沖水?

答:開左入水閘制未架? 開左都沖唔到有可能係馬桶配件有問題,如果水質差的情況下會導致入水閥出現淤塞,入唔到水。

問:馬桶點解一直流水?

答:可能係封水用既膠片鬆左、老化或者有野攝住左。一個係入水閥到,壞左會導致水箱不停入水,多餘嘅水會透過沖水閘既滿水窿,一直流入馬桶。另一個係沖水閘到,鬆左都令出水孔不停漏水出來。

問:馬桶入水閥壞咗點算好?

答:咁又唔使成個馬桶換嘅!如果水箱有水就先排走晒D水。無論入水閥定出水閥,壞左既只需要搵師傅換返就得存喇。

分享到微信朋友圈 ×
打开微信,点击底部的“发现”,
使用“扫一扫”即可将网页分享至朋友圈。