【去眼袋唔洗靠手術】無痛去眼袋@Perfect Medical

無痛去眼袋@Perfect Medical

雖然我都知道早瞓唔只健康好啲,皮膚同眼仔睇落都精神啲、後生啲,不過夜闌人靜,真係好想享受一吓自己獨處嘅時間,而且夜晚永遠都諗到好多唔同嘅Idea出嚟,久而久之,我個眼袋就大到連5蚊都裝得入喇!其實一直都好想改善自己眼袋問題,因為好多時出街,朋友見到都會講,而且眼袋呢個問題係完全唔可以用代妝解決,無論遮瑕同粉底有幾厚,立體形嘅眼袋依然會表露無遺!所以前排我就的起心肝,搵吓有咩解決眼袋嘅方法!去眼袋產品就好多人試過,整體評語都麻麻。而去眼袋手術呢,效果就唔錯喇,夠晒徹底!不過做完之後有機會對眼腫成個星期,而且手術始終有一定風險,所以我諗咗好耐,都唔夠膽去試!不過皇天不負有心人,今日就俾我響社交網站見到一個「眼袋槍」嘅廣告喇,聲稱無痛無創無恢復期,效果更加媲美去眼袋手術,見佢講到咁勁,我就即管去試一試!

其實Perfect Medical嘅分店都幾多,而我就揀咗方便自己嘅旺角區,上到朗豪坊嘅Perfect Medical感覺都幾舒服,門口嘅職員態度都好好,然後就咗份表我填返資料咁,之後好快就可以入房見顧問喇!

響房坐底之後,顧問就幫我睇一睇皮膚情況,同埋分析眼袋類型!聽顧問講,原來眼袋都分咗5種唔同嘅類型,包括脂肪型、鬆弛型、混合型、淚溝型以及水腫型,而顧問檢查完我眼袋,就話我嘅眼袋除咗有脂肪響皮下積聚,更因為膠原流失以致出現鬆弛問題,故眼袋屬於混合型。不過好彩情況重未選好嚴重,所以基本上完成一整個療程就可以解決眼袋問題!而今日做完第一次亦都可以見到效果!聽完佢講呢句,我心諗「仙丹咩,邊有咁快見效呀!」不過既然嚟到,就繼續試吓療程喇!

響顧問講解之後,好快就有治療師帶我去做療程嘅房入面。治療師先幫我落妝以及洗面,然後亦都簡單謂一次療程時會感受到的感覺同埋過程。佢話療程嘅時候,會感到眼部位置有暖感,如果有唔舒服就可以同佢講。響我明白之後,療程亦開始,治療師指因為我屬於偏瘦類,體內脂肪亦相對較少,所以會比較快感覺到熱感。的確療程無耐,我就已經感到眼周都很溫暖,但不至於熱到接受唔到。而治療師響過程中亦有不斷詢問我嘅感覺,怕過熱令我不適。

好快療程已經做完一邊眼,治療師俾塊鏡我睇吓效果,而我響鏡上面一睇,好明顯接受療程嘅一邊面眼袋已經收細咗,真係好神奇呢,然後治療師亦都好快為我完成另一邊面。當整塊面都做好時,我都不禁「嘩!」一聲,因為效果真係好好,眼袋細咗,連黑眼圈及眼紋問題都有改善!見到呢個效果,我諗做晒成套療程之後,真係可以徹底趕走我嘅眼袋問題喇!